EDITORYAL - Politika makababag sa kalamboan

Usa ka arsobispo sa Simbahang Katoliko nagkanayon sa telebisyon: “Too much politics can hamper the growth of a nation.”

Ang sobra kunong pamolitika makapahinay sa paglambo sa usa ka nasud.

Motuo mo’g sa dili, tinuod baya kining gisulti sa arsobispo.

Usa ka ehemplo niini atong makita dinhi sa Sugbu.

Naay mga tukorunon nga mga proyekto mapagan gumikan sa politika.

Ang atong pamolitika gud dinhi naputos sa kasina ug pangigi.

Tungod lang kay “kontra partido” ang nakahunahuna og mga maayong proyekto, babagan niadtong wala makahunahuna niini.

Kaanugon. Dako kaayong kahigayonan nga molambo ug molambo pa gyud unta ang Sugbu, apan ang maong kahigayonan nasangit sa pamolitikang naputos sa kasina ug pangigi.