Miulbo nasad ang kontrobersiya bahin sa South Bus Terminal.
Ang mga mini-bus operator mikisikisi labot sa bag-ong mga pamaagi nga gipatuman diha sa maong bus terminal.
Si Mayor-on-leave Tomas Osmeña gustong pasirhan ang terminal kay wa kunoy business permit gikan sa City Hall.
Kining mga problema kabahin sa South Bus Terminal kinahanglan masulbad diin ang riding public kon mga publikong sumasakay ug ang ilang kaayohan maoy mapatigbabaw.
Ang maong bus terminal gitukod alang sa publikong sumasakay. Way laing tumong ang maong terminal.
Busa kun duna may mga suliran nga motumaw dili langayon ang pagpangita’g tukmang solusyon. Ang bingkil-bingkil dili makasulbad sa suliran. Ni Juanito V. Jabat