Dunay mga kabalaka nga mitumaw nga basig dunay "failure of election" kon mapakyas ang eleksiyon unya sa Mayo 2010.
Kini tungod sa atong "pagpatugatuga" nga himoon nga automated kon ipaagi sa computer ang umaabot nga piniliay.
Sumala sa mga ekspertong tigpaniid, lakip na si Sen. Chiz Escudero, ang Comelec dili pa andam sa hingpit sa pagpahigayon og automated elections.
Daghan pa kuno ang kuwang aron makompleto ang automation nga gidamgo.
Naa diha mobuto ang kagubot kun duna unya’y kapakyasan ang piniliay. Mamahimong gubot pa sa lukot ang political situation sa nasud.
Kun matabang pa ning panahuna, hinaut nga paninguhaon sa kagamhanan, labi na sa Comelec, nga ang gipanglantawan nga "failure of election" dili mahitabo. ni Juanito V. Jabat