Nahinabi ko ang pipila ka mga batan-ong kolehiyala nga dili pa makabotar bahin sa mga kandidato sa 2010 election nga ilang nailhan. Nangutana ko: "If you can vote in the coming elections, kinsa may imong botahan?"
* * *
Nahimuot ko sa nagkadaiyang tubag. Ingon ko sa akong kaugalingon nga maayo nalang nga di pa sila makabotar. Kay ngano? Tan-awa ra god ning mga tubag...
* * *
"Botar ko sa candidate nga always smiling. Like Mar Roxas ... Ganahan sad ko ni Mar kay nindot og mga ngipon."
* * *
Laing tubag: "Dili ko anang kandidato nga nagpunay og kusmod oy. Wa pa gani mapilde nagkusmod na. Kinsa to iyang ngan, Sir?"
* * *
"Kanang candidate, Sir, nga dili kanunay mokatawa tag-anon ko postiso ang ngipon. Haha."
* * *
"Botar ko ni Kiko Pangilinan kay guwapo ug gusto kong malipay si Sharon nga akong favorite actress ... Medyo suplado lang sahay."
* * *
"Ganahan ko unta ni Noynoy pero ayaw lang paapil-apila si Kris oy. Hastang buhok ni Noynoy iyang hilabtan."
* * *
"Di ko anang bigotilyo nga kandidato nga morag hubog kun mosulti. Giingnan ko si Daddy, Dad ayaw botar anang bigotilyo ha."
* * *
"Si Dad gusto kaayong botahan si Tommy Osmeña kay isog. Pero mas gusto ko si Mrs. Margot. Dili bug-aton og nawong."lihukan sa dakbayan sa Lapulapu kay kaniya nga walay kuwarta. Mao kini ang sakit sa mga tawong misikat nga libre pinaagi sa media: kun sawayon na sa media, masuko na kay nagtuong siya ray sakto.
* * *
Nakadaot pag-ayo sa politikanhong ambisyon ni Mayor Socrates Fernandez ang badlongon niyang sinagop nga si Joavan Fernandez. Walay kauban namo nga nakapangahas pagkuha og panahom sa mga Talisaynon kun suportahan pa ba nila si Mayor Soc taliwala sa mga pagpabadlong sa sinagop niini. Apan ang pagpakahilom dili mahimong iduot sa positibo nga sitwasyon gumikan kay ang mga tawo nasayod nga ang amahanon nga gugma ni Mayor Soc mahimong maka-apekto sa iyang pagka-lider.
Ang maayo ni Mayor Soc, pa-rehab si Joavan.