Ang National Youth Commission mipahigayon karon og kampanya diin ang mga batan-on giawhag sa pagpalista isip mga botante sa Comelec aron makasalmot sa umaabot nga bugnong lugaynon.
Misuporta kami sa maong kampanya dili lang tungod kay buot kami nga ang mga batan-on makapahimulos sa ilang katungod sa pagpili sa gusto nilang pakupton sa renda sa pangagamhanan.
Kundili usab nga ang atong electorate kon mga pumipili kapun-an og mga “bag-ong dugo” kon mga botante nga adunay preskong panglantaw sa kaugmaon sa atong nasud.
Manghinaot kita nga ang atong mga batan-on mohangop ug kusganong mosalmot niining kampanya kay ang ila mismong kaugmaon nakataya sa umaabot nga eleksiyon.