EDITORYAL - Wa tay pro-beggar law?
Usa ka civic club member nangutana kun duna ba kita’y balaud nga mopanalipod sa katungod sa mga makalilimos ug kun kini gipatuman ba.
Ang civic clubber mipasupot sa iyang pangutana human kini nakasaksi og pagpanaug-daug sa mga “palaran” ngadto sa mga makililimos.
Mga “sample” sa mga pagpanaugdaug sa makililimos nga nasaksihan sa giingon tang civic clubber:
l Sa usa ka kan-anan babayeng makililimos nga nagkugos og bata gipatiran sa waiter.
l Usa ka makililimos nga nagluhod sud sa usa ka simbahan giabog pagawas sa usa ka kolektor og amot.
l Usa ka security guard sa bangko nakit-ang mitukmod sa usa ka babayeng makililimos samtang kini nagtutindog duol sa entrance sa bangko.
“Kini bang kapintas nato sa mga makililimos nahisakop ba kini sa balaud nga mosilot niadtong mohatag og limus sa pobre?” nangutana ang civic clubber.
- Latest
- Trending
