EDITORYAL - Manny nalingaw sa showbiz
Gibalita nga si Freddie Roach, ang trainer ni Pinoy boxing icon Manny Pacquiao, nabalaka sa iyang manok.
Matud ni Roach nalingaw karon si Manny sa iyang showbiz career. Mora’g nalimtan na niya ang iyang pagbansaybansay alang sa umaabot niyang away batok ni Miguel Cotto.
Si Cotto dili baya basta-basta nga boksidor. Kinahanglan preparahan pag-ayo sa atong gitawag nga “Pambansang kamao.”
Daghan bitaw nakamatngon nga ang pokus ning panahona ni Manny mao ang showbiz.
Hunahunaon ni Manny nga ang kadungganan niya sa boksing dili kay iya ra. Nahimo na kini nga kadungganan usab sa nasud.
Hinuon masaligon ang mga loyal fans ni Manny nga inigsugod sa ilang idolo sa training maangkon gihapon niini ang kondisyon sa panglawas nga makahatod kaniya sa kadaugan.
- Latest
- Trending
