Ang paghatag sa kaugalingon

Daghan ang dili makadawat sa matang sa pagtulon-an nga gisangyaw sa Ginoo ngadto sa katawhan. Gani, kini maoy hinungdan kun nganong daghan sa iyang mga sumusunod ang nagbagulbol batok kaniya. Apan kun buot tan-awon ang gipasabot mao nga sa iyang paghatag sa iyang lawas ug dugo mao man ang paghatag sa kinatibuk-an sa iyang kaugalingon alang sa iyang mga sumusunod. Kini usab ang kahulogan sa matag higayon nga kita mikalawat kaniya diha sa Sagrada Eyukaristiya. Nagtawag kini kanato aron mamahimong manggihatagon diha sa atong kaugalingon ingon nga mihatag ang Dios kanato sa iyang Bugtong Anak. Pinaagi lamang sa akto sa Paghatag ang tawo mabuhi ug diha sa akto sa paghatag ang tawo mamahimong makapabuhi sa nag-uga nang kalibutan.