EDITORYAL - Laing bala kontra PGMA

“PGMA mopalit og P1.2B jet,” suma pa sa headline sa pahina 5 sa Banat News kagahapon (Sabado).

Sa tinuoray lang, kita wala masayod kun gikinahanglan ba gayud ning panahona ni Presidente Arroyo ang maong jet nga nagbili og P1.2 bilyones.

Apan sa tinuoray lang usab, kita nasayod nga gihatagan nasad ni PGMA og ammunition kun bala ang oposisyon alang sa walay hunong nga pagbirada kontra kaniya.

Segurado kami nga kining balitaa mo-ispark nasad ni og kontrobersiya diin ang oposisyon nasab ang mopahimulos niini.

Naa pay laing ammunition nga magamit sa mga kaatbang ni PGMA. Kining bag-ong rebelasyon nga naghinobra ang gasto niini sud sa lima ka tuig nga siya nangulo sa nasud.