Voc Ad sa mga heswita

Samtang nibisita ako sa Jesuit Retreat House kaniadto akong nakita kining mosunod: “Jesuit by Vocation, Doctor by Profession.” Kini tungod kay naghimo og usa ka kahugpongan ang mga Heswitang mananambal aron moalagad sa mga nagkinahanglan.

Pamalandong

Usa sa mga komentaryo sa mga tawo sa higayon nga mapari na ang usa ka seminarista mao man nga siya makuwartahan na. Apan kun buot hunahunaon ang pagkapari dili propesyon nga sa ato pa dili usa ka matang sa panginabuhi. Bokasyon kini nga angayan untang puy-an sa tinud-anay nga paagi. Tungod nga dili ikalimod nga kabahin sa kinabuhing pari ang salapi ug bahandi. Apan diha sa makanunayong paggamit sa bahanding kalibutanon ginamit ang panlantaw nga espirituhanon, nan, mahimong daw bililhon ug mabulokon ang kinabuhi. Mao nga dili haom nga hisgutan kanunay ang ginansiya ug alkanse kay kun buot tan-awon ang usa ka pari walay puhonan nga sarang iyang ikapanghambog atubangan sa Dios ug sa tawo. Kay sama sa uban siya usab huyang ug masalaypon.