EDITORYAL - Pahalipay sa Cokaliong Shipping
Tuguti nga moapil kami sa daghang lungsoranon nga mitunol sa ilang pahalipay ngadto sa Cokaliong Shipping Lines labi na kang Mr. Chester Cokaliong, ang tag-iya niini.
Ang maong shipping lines bag-ohay pang milusad sa dugang barko niini, ang M/V Filipinas Ozamis, nga maoy labing "batan-ong" ro-ro (roll on, roll off) ship sa nasud.
Tungod kay ang nasud misalig man sa transportasyon pangdagat, gumikan sa atong pagka-arkipelago, gikinahanglan nga duna kitay kasaligan nga mga barko nga mosilbe sa katawhan ug industriya.
Ang Cokaliong Shipping mitubag niining panginahanglanon pinaagi sa pagmintenar og mga modernong shipping fleet kun panon sa mga sakayan sama sa M/V Filipinas Ozamis ug mga kauban niini sa Cokaliong fleet.
Among pahalipay ngadto ni Sir Chester ug sa iyang Cokaliong Shipping Lines.
- Latest
- Trending
