Kasagaran sa tubig nga gigamit karon sa katawhan nga gi-supply pinaagi sa water system naggikan sa mga atabay, suba, sapa, linaw ug uban pang maingon-ingon niini. Gitawag kinig surface water.
Sa tuyo nga makagarantiya og kalimpiyo sa maong tubig, gi-apply niini ang chlorination. Butangan og chlorine ang tubig sa tuyo nga mawagtang ang harmful chemicals ug mamatay ang mga kagaw nga posibleng nahisambog niini gikan pa sa tinubdan niini hangtod sa pagsubay niini sa mga tubo. Ang chlorine maoy gigamit sa tibuok kalibotan pagtambal sa tubig.
Apan ang pagbutang og chlorine sa tubig dili hingpit nga luwas bisan dili isulod sa ginhawaan ang maong tubig. Ang mga pagtuon nagpakita nga ang pagkaligo sa tubig nga may chlorine adunay negatibong epekto sa panit ug buhok. Posibleng mahiagoman ang eczema ug acne.
Dugang niini, nasuta usab sa mga pagtuon nga ang volatile organic compounds mo-evaporate gikan sa tubig samtang maligo o mag-shower. Kun chlorinated ang tubig nga gikaligo, posibleng mahingos sa tawong naligo ang chlorine mismo o ang chloramine niini. Ang paghingos sa baho sa chlorine walay kalainan og epekto sa pag-inom og duha ka litrong tubig nga may chlorine content.
Didto sa Japan, gisugyot ang paggamit sa Wellness Filter sa mga public baths ug spa. Ang Wellness Filter mo-purify ug mopalambo sa kalidad sa tubig sa paagi nga maka-maximize sa mga benepisyo niini. Ang superyor nga sanitation properties niini adunay curative effects sa panit. (Sunod: Stability Index)