Ang tubig bulnerable sa kontaminasyon sa pesticides, nitrates, heavy metals, radioactive compounds, petrochemicals, parasites, toxins, free radicals ug uban pang matang sa pollutants.
Ang Environmental Protection Agency sa Estados Unidos mibutyag nga ang mga tawo nga miinom ug naligo sa chlorinated water (gikan sa mga atabay, linaw ug sapa) may 50 porsiyento nga kahigayonan nga matakboyan sa sakit nga cancer.
Bisan dili imnon ang kontaminadong tubig, makadaot gihapon kini sa lawas kun gamiton sa pagkaligo. Nasuta nga ang tawo maka-absorb og mokabat sa 600 porsiyentong contaminants sa ilang lawas sulod lang sa 10 minutos nga pagkaligo o pag-shower.
Sa mga siyudad, dako ang posibilidad nga ang tubig ilimnon makontaminar sa MTBE, usa ka gasoline additive nga gituohan usa sa mga hinungdan sa cancer. Bisan pag butangan og chlorine o kaha ipaagi sa purifications system ang tubig sama sa ultraviolet sterilization ug reverse osmosis, ang tubig ang kontaminado sa MTBE dili gyud maayo sa lawas sa tawo.
Tungod sa high risk sa contaminants, ang katawhan karon adunay problema sa pagpangita og perfect water. Niadtong 1980, ang nabantog nga Japanese sports physiologist nga si Harusuke Naito mipalambo sa kahimanan nga gitawag og Wellness Filter. Kabahin kini sa iyang paningkamot pag-produce og perfect water.
Ang Wellness Filter nakakuhag endorsements sa cancer clinics sa Estados Unidos. Mipamatuod usab ang Diabetes Resource Center sa US nga kini beneficial alang sa mga diabetic. (Sunod: Ang Tubig Ug Ang Lawas)