Nagkaduol na ang piniliay sa 2010. Daghan ang madasigon ug masibuton kalabot niining umaabot nga bugnong lugaynon. Apan baya daghan usab ang nagsugod nag kawala ang gana, ilabi na kadtong mga bag-o pang botante, kinsa naglisud sa pagparehistro.
Kun atong basihan ang mga reklamo nga atong nadawat gikan sa new voters -- ug gikan sab sa mga karaan nang mga botante-- kinsa matud nila naglisud sa pagparehistro ubay-ubay gayud ang dili makabotar.
Daghan man gud niining nalisdan magpalista sa Comelec ang nawad-an na og gana sa pagsalmot sa umaabot nga piniliay.
Hinaut unta nga kapangitaan og paagi nga madani pagbalik kadtong nangawad-an nag gana sa pagparehistro. Kaanugon kun mawad-an sila sa ilang katungod sa pag-apil sa mahinungdanon kaayo nga proseso elektoral.