Sumala sa daghang mga pagtuon mahitungod sa healing power sa tubig, nasuta nga ang hinungdan sa pagtakboy sa lainlaing matang sa sakit mao ang dehydration o kakulang sa tubig sulod sa lawas.
Usa na niini ang back pain. Kining maong sakit maoy kasagaran nga reklamo sa mga tawo nga edaran na ug ingon man ang mga tigulang. Apan sumala sa mga pagtuon, kining maong problema mamenosan o kaha malikayan sa hingpit pinaagi sa hustong water intake.
Laing sakit nga malikayan o mamenosan pinaagi sa proper water intake mao ang colitis. Kini gong sakita naggumikan sa water shortage sa large gut. Sa maong kaso, ang large intestines mokuha og daghang tubig gikan sa excreta nga moresulta sa pagpanakit (colitis).
Ang tubig maoy gikinahanglan alang sa proper lubrication sa ginhawaan aron pagdiskarga o pagpagawas sa mga biya sa lawas. Kun magkulang ang tubig sa excreta, moresulta kini sa sakit.
Nasuta sa mga pagtuon nga ang tanang mga sakit sa colon sama sa haemorrhoids, fistula, constipation ug uban pang maingon-ingon niini naggumikan sa dehydration sa excreta.
Sanglit dehydration man ang hinungdan sa problema, ang hustong hydration maoy sulbad niini. Ang tubig, isip labing maayong hydration beverage, maoy makasulbad sa problema. Kun mahatagan ang lawas sa gikinahanglan niining gidaghanon sa tubig, malikayan ang colitis ug uban pang matang sa balatian sa excreta area. (Sunod: Migraine ug uban pa)