Si Daniel ug Rodney pulos mga magsusulat ug lumolupyo sa Barolo-Manigos compound sa dakbayan sa Sugbu. Si Daniel usa ka bar topnotcher ug giila nga mas hait og salabotan ug malamposon nga magsusulat. Kay nakamantala na man kini sa iyang daghan nga sinulat nga mga balak, sugilanon ug artikulo diha sa mga nag-una nga mga basahon sa Estados Unidos.
Kadaghan na usab siya makadaog sa daghan na nga mga nasudnong bangga sa sinulatay og balak, sugilanon ug mga artikulo. Si Daniel gihulagway na nga usa ka "walking encyclopedia" sa diha nga nagtungha pa lang siya sa hayskol. Apan, bisan pa niining iyang mabulokon nga kalamposan si Daniel nagpabilin nga kabos. Gani wala gayod siya makailis sa iyang karaan nga Volkswagen.
Samtang sa laing bahin, si Rodney nga gihulagway lamang nga usa ka "average writer" maoy giila sa kadaghanan nga mas malamposon kun itandi ni Daniel. Kay si Rodney usa na man ka dako nga opisyal sa nasudnong kagamhanan.
Si Rodney gitahod ug giyukboan na karon sa tanan gumikan sa iyang "guts" ug kaagresibo. Maayo siya nga mo sipsip ug motila ngadto sa iyang mga labaw. Maayo usab siya og public relations.
Napamalandong karon ni Daniel nga karong panahona "it is not a question of what you know but whom you know."
Iya usab nga nahunahuna nga tinuod ang nabantog na nga panultihon: "Destiny is not a matter of chance but it is a matter of choice, it is not a thing to be waited for, but it is a thing to be achieved.