Nahimong kabahin sa atong kinabuhi ingon nga Pilipinhon ang pagtambong og mga bangkite sa bisan unsang okasyon sa kinabuhi. Sa matag higayon nga kita mokaon ug makigsalo uban ang atong mga Kapuso ug Kapamilya mahitabo usab ang usa ka mahinungdanong pagbinayloay sa tawhanong kasinatian ingon man ang paghisgot-hisgot sa usa ka kasabutan, pormal man o dili. Daghan ang mahitabo ug mas mapaladman pa gyud ang pakiglambigit.
Karong Domingoha gisaulog nato ang usa ka mahinungdanong anib sa atong kinabuhi ingon nga usa ka Eyukaristikanhong Simbahan. Si Jesus ang Labaw’ng Pari ang hugtanon ug dayag nga mihatag sa iyang kaugalingon ingon nga kalan-on ug ilimnong Espirituhanon alang kanato.
Kahigayonan ang kasaulogan sa Corpus Christi alang kanato sa pagsusi sa atong kaugalingon kun diha sa atong inadlaw nga kinabuhi “We become what Eat!”