28. Mga Mineral

Ang mineral dili organiko. Naggikan kini sa yuta o sa tubig. Lahi kini sa mga bitamina. Ang bitamina organiko o naggikan sa mga hayop ug mga tanom.

May nautingkayan kong facts mahitungod sa mineral gikan sa librong Forever Young nga gisulat ni Cory Quirino. Matud pa, adunay 22 ka mineral nga mahinungdanon alang sa kahimsog. Ang 16 niini natun-an nag maayo sa mga eksperto samtang kulang pa ang impormasyon sa nahibiling unom nga mao ang vanadium, arsenic, boron, nickel ug silicon.

Ang 16 ka mga mineral nga natun-an na sa mga eksperto gibahig ngadto sa duha ka kategoriya, ang macromineral ug trace mineral.

Ang macromineral gilangkoban sa calcium, chloride, magnesium, phosporus, potassium, sodium ug sulfur.

Samtang ang giilang mga trace mineral mao ang chromium, copper, flouride, iodine, iron, manganese, molydbenum, selenium ug zinc.

Ang chloride namatud-an nga makatabang pag-maintain sa balanse sa tubig ug asido sa lawas. Ang potassium makapamenos sa risgo sa stroke ug makatabang sab pagbalanse sa tubig sa lawas.

Ang sodium nga makuha gikan sa asin, gatas ug processed foods makatabang sab pag-maintain sa balanse sa asido ug tubig sa lawas. Ang flouride mahimong ibutang sa tubig ilimnon ug sa tubig nga gamiton sa pagpangluto. Makuha sab ang flouride gikan sa tsa.

Ang flouride makapalig-on sa mga ngipon ug kabukogan. Isip trace mineral, motabang kini sa lawas sa pag-absorb og calcium. (Sunod: Mga Bitamina)