EDITORYAL - Angay'ng ipasegarbo ang atong nasud

Atong gisaulog sa makausa pa ang atong Independence Day kon Adlaw sa Kaugalingnan.

Daghan ang nangutana kun duna ba kita’y tinuoray nga kaugalingnan o kagawasan.

Ang tubag niini depende lang sa atong pagpanglantaw ug sa atong pagbanabana sa situwasyon sa atong nasud sukad sa atong pag-angkon sa atong independensiya.

Apan dili ikalalis nga sud sa 111 ka tuig diin ang nasud nga Pilipinhon nahimong luwas, daghang mga kaayohan ang naangkon sa Pilipinas.

Usa niini mao ang pagpahisakop kanato sa family of nations isip usa ka nasud nga dunay kaugalingong sovereignty kon kaugalingnan.

Angay tang ipasegarbo ang atong nasud bisan pa sa daghang suliran nga giatubang niini.