EDITORYAL - Ang Citicenter isip parking area

Diha toy plano nga ang Citicenter diha sa barangay Kamagayan himuon nga parking center aron katabangan og sulbad ang problema sa kakuwang sa parkinganan.

Maayo man tingali ni nga idea ug daghang mga tigpaniid ang mipabor sa maong plano.

Bisan si Mayor Tomas Osmeña gikataho nga ganahan sa gihisgutang ideya.

Matud pa sa usa ka economic observer, kining Citicenter sa pagkakaron wala gayud makatabang sa ekonomikanhong kalambuan sa dakbayan sa Sugbu.

Ug ang maong dapit mora na’g eyesore ug nahimong dangpanan sa mga malapason sa balaud.

Daghan ang nagtuo nga kun matuman kining plano nga himuon og parking area ang Citicenter makatabang kini sa kalambuan sa siyudad ug sa pagpanindot sa physical appearance sa dakbayan.