Gipaninguha nga ma-computerize kon ma-automate ang umaabot nga eleksiyon aron malikayan ang panikas ug mapadali ang proseso sa piniliay diin mahibaw-an sa dili madugay ang resulta.
Dako nga kuwarta ang gigahin sa gobiyerno alang niining pagmodernisar sa piniliay ning umaabot nga Mayo 2010. Kini aron lang mahimong limpiyo ug takos nga katuohan ang resulta sa eleksiyon.
Karon naay mitumaw nga mga pagduda nga bisan pa nga ma-computerize na ang piniliay, dili gihapon kalikayan ang pagpanikas lakip na ang giingong dagdag-bawas.
Makapabalaka kini ug manghinaot kita nga siguruon sa kagamhanan nga ang maong mga pagduda, pagduda lamang ug walay kamatuoran.
Panahon nga makasinati kita og “clean and credible election” pinaagi sa automation.