"Good day. Usa ako sa tigbasahan sa Banat News. Ako si Mrs. Nonet Ingal, owner sa Sangat Pharmacy. Niadtong Sunday, November 30, 2008 ang akong tindera sa pharmacy nadala sa ilad sa usa ka modus. Naay babaye nga nagpaila nga akong paryente. Nangayo siya og P2,000 sa akong tindera kay nag-collection. Taga laing pharmacy kuno siya. Aron di maka-text ang akong tindera, iyang giuslan ang cellphone kay wala kunoy load ang iyang cellphone. Pag-uli pa sa cellphone wa na sad load. Mao wa ka-text ang akong tindera nako. Nakadala gyod og P2,000 ang maong mangingilad. Wa ko mag-expect nga mabalik pa nako ang kuwarta. Gi-text lang ni nako aron ang uban tang kaigsuonan ma-aware ning maong estilo sa pangilad." -- 0919-5967929
Daghang salamat, Mrs. Nonet Ingal, sa imong pag-share sa imong kasinatian bahin sa mangingilad. Hinaot unta nga ang makabasa ning imong text makabantay sa lainlaing estilo sa modus operandi sa mga mangingilad.
Usa sa angay bantayan sa atong mga magbabasa mao ang estilo sa modus nga sama sa nahitabo o nasinati sa tindera sa Mrs. Ingal. Kana bang naay magpaila nga imo kunohay nga paryente. Makailad man gyod ning maong mga badlongon kay pang-FAMAS man moarte maong makombinser gyod nila ang ilang prospective victim.
Mao nga kun duna ganiy tawo nga mokalit lang og pamaryente ninyo pero wala kamo makaila, ayaw gyud mo’g kompiyansa kay basin og mangingilad kanang tawhana.
* * *
"Good day, Sir. Bahin ni sa akong trabaho. Gitangtang ko sa akong trabaho ug ang akong suweldo wala nila ihatag. Si Rene ni." -- 0929-7469028
Una sa tanan, unsa man ang imong sala nga gitangtang ka man. Kun wala kay sala, illegal dismissal kana.
Adto ka modangopo sa NLRC. Isaysay didto ang tanang matuod nga hitabo. Ang tinuod gyod maoy isulti aron mahatagan ka’g tukmang giya o tabang. Buhata kini sa labing daling panahon.
(Sumbong ug reklamo? Text sa 0910-8105522).