Bitaw, nganong di man tuod si Panlilio?

Headline sa nasudnong mantalaan: “Panlilio eyes presidency,” diin matud pa, miingon si Panlilio nga: “I’m open to taking up the challenge.”

Of course, usa kini ka dakung challenge alang sa Gobernador sa Pampanga. Una sa tanan, dinhi sa atong nasud, ang daghan kaayong kwarta maoy magbuot kinsay padag-on sa eleksiyon, dili ang qualification, dili ang intention. Mag-unsa man ang honest ug sincere nimong mga intention kun wa kay daghan kaayong kwarta?

Ambut nangaunsa na ta ini, Dro? Hilabihan pagka-nawong nato’g sapi.

Giingon nga daghan na ang mi-pledge pagpaluyo kang Panlilio, kay alang nila, gikapoy na sila sa hagwa ug dula sa mga traditional politicians. Mga lider nga wa gyuy nahimo pagsanta sa korupsiyon, nga alang kang Panlilio, mao gyuy hinungdan ning atong kahimtang karon dinhi sa atong nasud.

Apan sa iyang bahin, si Panlilio miingon nga samtang open siya sa mga sugyot ug awhag, dili kinahanglan nga siya gyud ang modagan pagka-presidente. “I will go for whoever will represent a genuine reform constituency,” matud niya.

Sa ato pa, iyang ihatag ang full support, mahimo nga siya pa ang mag-campaign manager sa common candidate nga makahatag og genuine nga reform sa iya unyang presidency.

Ang pangutana: Kinsa man ni siya? Si Noli? Si Loren? Si Escudero? Si Villar? Si Binay? Si Roxas?” Si Lacson? Si Fernando? Si Teodoro? Si Gordon? Kinsa man ni sila? Matud ni Panlilio, ang dakung isyo karong 2010 mao ang corruption. Unsa may nahimo nila ni Noli, Loren, Escudero, Villar, Binay, Lacson, Roxas, Lacson, Fernando, Teodoro, ug Gordon pagbatok sa corruption? Kinahanglan bang mag-presidente una sila aron masanta ang kagaw sa korupsiyon?

Si Governor Teodoro Baguilat sa Ifugao, miaghat sa giingon nga “silent majority” pag-come out in the open, ug pagbotar karong 2010 sa iyang gitawag nga reform candidate pagka-presidente.

Sa iyang bahin, ang former president sa Chinatrust Philippines, ug karon presidente sa Management Association of the Philippines, si Joey Bermudes, namahayag nga mosuportar siya kanila ni Panlilio ug Pandaca (Gobernador sa Isabela), “because they represent a different kind of politics. They are the right candidates because they are reform-minded and they have the actual hands-on experience in running their local governments. They are not just mouthing off theories.” 

Lungsod, hari ka man kaha, nganong magpaulipon ka man sa tinaginting sa salapi?