Ang gibalitang plano sa Malacañang nga tukuron niini ang usa ka ro-ro (roll on-roll off) port South Cebu kinahanglan hangupon ug suportahan sa katawhan sa South ilabi na sa mga negosyante.
Ang giplanohang ro-ro port hayan anha tukura sa Samboan o ba kaha sa Santander diin aduna nay puwerto para lantsa. Ang usa niini ka puwerto maoy palapdan ug diha tukuron ang ro-ro port.
Kining maong plano sa Malacañang gipahibawo ni Press Secretary Cerge Remonde.
Ang ro-ro port nga tukuron makapalambo sa negosyo tali sa South Cebu ug sa Negros Oriental diin kusog ang trapiko sa mga tawo ug produkto.