Abortion

"Good day, Sir. Asa man ta mosumbong mahitungod ining abortion? Naa man god koy kaila nga kusog kaayo mokuha og bata (abort) unya magpabayad og P1,800." -- 0928-9946221

Kun tinuod ning imong gitaho, higalang texter, ayaw paglangan. Itaho ngadto sa kapolisan kanang abortionist nga imong nailhan aron masumpo kanang iyang tinonto.

Dakong krimen kanang iyang gibuhat busa angay siyang silotan sa higayong mamatud-ang naghimo gayod siya sa ingon.

Ang abortion supak sa balaod sa Dios ug sa tawo.

* * *

Grabe kaayo ang mga PUJ diri sa Oppra. Dili gyod mohatag og discount sa mga estudyante. Bisan kahibalo sila nga mga estudyante ang pasahero kay nag-uniform paninglan gihapon og "7." -- 0906-7403748

Dili lang kay estudyante ray dili hatagan og discount niining hakog nga mga driver. Hasta sab ang mga senior citizen.

Mga walay konsiderasyon!

* * *

"Naa lang koy concern, Sir. Bahin ni sa dispatser diha sa Punta. wala man na badlonga nga mag-apil-apil pag-man kunohay sa traffic unya paninghagan pa ang mga driver sa PUJ kon dili mohatag og P10. Kon dili nila kaila ang driver padiretsoon kay samok kuno. Naa man untay police diha sa duol wala man kabadlong." -- 0929-6660026

Kadako god sa kolektahan sa maong dispatser ngadto sa mga PUJ driver? Tiaw bay P10? Wa siya kuyapi nianang iyang kalaki?

Klaro na man nga extortion kanang iyaha. Dakong binuang. Hinaot unta nga maaksiyonan kini sa proper authorities.

Dili ba makabadlong ang mga opisyal sa brgy. Punta nianang maong dispatser. Wala bay mahimo ang mga tanod batok nianang tawhana? Ug ang mga polis nga naa diha sa Punta Princesa? Mangiyugpos ba lang sila mahitungod niini?

Nakapuwerhisyo sa mga PUJ driver kanang maong dispatser busa angay siyang badlongon, pitolon ug sumpoon!

(Sumbong ug reklamo? Text sa 0910-8105522).