"Good day, Sir. Naa lang koy isumbong bahin sa namaligya og shabu diri sa barangay Mantuyong, Mandaue City. Naa ni sa sityo Asinan. Ang ngalan sa tigpayuhot mao sila si (gipugngan lang una ang pangalan)." -- 0922-6030792
Atong sangpiton ang atensiyon sa mga brgy. opisyal sa Mantuyong sa paghatag og pagtagad niini. Mas maayong ma-counter check kini ninyo. Palihoka ninyo ang inyong mga tanod aron masubay kini ug masuta kun unsa kini ka tinuod.
Sumala sa atong texter, sila si Babok ug Dico ang tigpayuhot diha sa sityo Asinan. Palihog sutaa!
* * *
"Good day, Sir. Ako lang ireklamo kining kasaba sa videoke diri sa among barangay sa may Tambisan, Labangon. Saba kaayo, di mi katulog. Wa gyoy nakabadlong." -- 0919-3870260
Angay i-regulate ang gikusgon sa pagtugtog sa maong videokehan aron dili makatugaw sa mga silingan. Labing maayo nga magpadangat kamog reklamo ngadto sa barangay.
Public nuisance kana. Kinahanglang mosubmiter kamo’g pormal nga reklamo aron mahatagan kanag tukmang aksiyon.
* * *
"Sir, grabe kadaghang fixer diha sa LTO sa Cebu. Usa ko ka driver ug ako gyod nakita unsa kadaghan sa fixers nga mosulod-gawas sa LTO. Wala gyoy nakabadlong." -- 0916-9132667
Katuohan nga walay nakabadlong sa mga fixer nga nag-operate sa mga buhatan sa LTO kay may pasangil man gani nga dunay pipila ka badlongong kawani sa maong buhatan nga niapil pod (sideline) sa pag-fixer.
Makauuwaw ning maong buhat. Ug dili sila makabadlong kun sila mismo misalga sa maong binuang. Makapahisagmuyo ni. Pero kun maoy tinuod, angayan gyod tang magbantay aron dili mabiktima.
Dakog papel ang LTO sa pagsumpo sa mga fixer sa ilang buhatan kun ila kining seryosohon. Wala may mahimo ang mga fixer kun dili nila dawaton ang mga transaction niini.
Hope springs eternal. Busa molaom lang gihapon ta nga masumpo sa hingpit sa umaabot nga mga adlaw ang mga fixer diha sa LTO.
* * *
(Sumbong ug reklamo? Text sa 0910-8105522).