"Good day, Sir. Ang among lugar diri sa Puntod, Alaska, Mambaling nagkalat na sab ang ginadiling drugas. Ang mga polis wala gyod intawon magpakabana. Hinaot unta nga matagad na ni sa taga Presinto 11." -- 0928-5902437
Atong awhagon ang proper authorities sa pag-counter check niining gitaho sa atong texter.
Labing maayo sab nga mohimog aksiyon ang mga brgy. opisyal. Mas maayong palihokon nila ang ilang mga tanod aron pagsusi ug pagsubay niining kasayoran nga gipadangat sa usa ka texter dinhi ning lindog.
Aksiyoni!
* * *
"Nag-work ko sa usa ka restaurant diha sa Mabolo. Sa pagtukod pa lang gyod sa maong restaurant nag-work na ako. Ten years na ko kapin nagserbisyo. Ang problema kay ang among amo nagkabuang na kay dili na mohatag og eksaktong suweldo. Ang among suweldo matag kinsena katunga ray ihatag inigpangsuweldo. Dili pa mi masuweldohan og exact date. Molabay pag 5 days human sa tukmang petsa tingsuweldo. Dili pa gyod sila mobayad og overtime. Pilion ra nila kinsay una nilang suweldohan. Unsaon na lang ming mga pamilyado? Kun moreklamo kuno mi, maayo pa kuno moundang na lang ni. Exclusive for foreigner ni ilang restaurant." -- 0920-4955074
Labing maayo nga magpaabot kamo’g reklamo ngadto sa DOLE. Daghan og kalapasan nga nahimo kanang inyong employer sa balaod sa pamuo. Paghiusa mong mga trabahante aron mas molig-on ang inyong reklamo.
* * *
"Diri sa San Isidro, Talisay City kusog gihapon ang shabu ug marijuana dapit sa may sitio Isla Berde. Paryente ra sa usa ka konsehal ang namaligya." -- 0926-9007791
Angay ning hatagan og atensiyon sa kapolisan, mga opisyal sa barangay ug sa mga brgy. tanod. Labing maayo ma-counter check kining maong sumbong aron masuta kun tinuod ba kini o dili.
Palihog aksiyoni!
* * *
(Sumbong ug reklamo? Text sa 0910-8105522).