“Good day. Usa ako ka concern citizen. Diri sa may Sanciangko St. dapit sa may UC grabeng daghanang snatcher. Wa gyu’y polis diri nga giposting. Labing menos twice a week may maisnatan.” -- 0926-9096605 (Sent: 10:13:35am -- November 6, 2008)
Manghinaot tang maaksiyonan kini sa kapolisan ug sa mga sakop sa barangay intelligence network. Kuyaw kaayo kun mabiktima ang atong kaigsuonang moagi nianang dapita, labina ang mga estudyante.
Aksiyoni!
* * *
“Naay modus operandi sa mga tindero’g lechon labina sa SP (inisyal) Lechon Manok. Kun mopalit ta’g letson makuwangan man og body parts. Nakapalit ko nila og letson manok, kuwangan og paa ug pako.” -- 0926-1860517 (Sent: 08:59:18pm-- November 6, 2008)
Akong awhag sa mga pumapalit og letson nga bantayi ninyo ang tindero nga magtadtad sa gipalit ninyong inasal aron dili kamo malipat.
Kun mabiktima kamo ning maong estilo sa modus operandi, ipaabot ang inyong reklamo ngadto sa tag-iya sa letsonan o ba kaha ipatawag ang tindero ngadto sa barangay.
* * *
“Good morning. Naa lang ko’y concern about aning mga estudyante sa Lawaan National High School nga mag-inom diha luyo sa school tempong tingklase.” -- 0916-7306270 (sent: 08:38:19am-- November 7, 2008)
Atong gisangpit ang atensiyon sa mga ginikanan nga nagpatungha sa ilang mga anak sa eskuylahan sa nahisgotan sa atong texter.
Subaya ninyo ang kalihokan sa inyong mga anak. Basin nagmata lang mo’g morning ug wala lang moy kasayoran nga wala mosulod sa klase ang inyong mga anak kay mag-inom ra diay panahon sa tingklase.
Labing maayong magsusi kamong mga ginikanan aron dili kamo ma ‘unggoyan’ sa nagminaro ninyong mga anak. Ayaw kamo pagpabaya.
Salamat sab sa taho sa usa ka nagpakabanang texter nga nihatod kanato ning maong kasayoran.
* * *
(Sumbong ug reklamo? Text sa 0910-8105522).