EDITORYAL - Pacman target sa kidnappers?

Adunay balita nga gi-target sa mga kidnapper si boxing icon Manny “Pacman” Pacquiao.

Tinuod man kini o dili, kinahanglan nga dili isalikway ang maong panghudlat.

Kinahanglan hatagan ni Pacquiao og importantsiya ang maong kidnap threat.

Sayud kitang tanan nga si Manny usa ka dakong isda nga posibleng anaa sa hunahuna sa mga kidnapper.

Dakong isda tungod kay duna siya’y kapasidad sa pagbayad sa iyang kaluwasan kun siya makidnap o ba kaha may hostage.

Angay’ng maymayan si Manny sa dili pagpasayasaya ug dili baliwala-on ang balita nga siya gihugonhugonan nga bingwiton sa mga kidnaper.