Lumba sa motorsiklo

"Sir, naa unta koy ireklamo. Diri ba sa may San Isidro, Talisay City padulong SRP naay maglumba nga mga motorsiklo kada gabii. Di mi makatulog og tarong labinag adlaw'ng Sabado. Magtapok na sila sa eskina sa maong lugar. Ang oras nga magsaba-saba sila mga 11 PM hangtod 2 AM. Puwerte gyong sabaa sa mga motor." -- 0908-4297910 (Sent: 03:59:02pm--October 24, 2008)

Sulay mo'g dangop ngadto sa mga brgy. opisyal sa inyong dapit. Kun mahimo, mas maayo unta kun palihukon nila ang ilang mga tanod aron mabadlong kanang maglumba nga mga motorsiklo.

* * *

"Good day, Sir. Gusto lang nako ipaabot ngadto sa mga nahingtungdan labina sa na-assign diri sa Sacsac, Consolacion. Daghan nang kaso sa pagpanulis diri. Panahon sa kagabhion ni sagad nahitabo. Puwerteng ngitngit man sab god, morag langob. Maayo unta mabutangan og suga ang dalan. Delikado kaayo sa mga tawong mouli magabii." -- 0923-9642037 (Sent: 04:27:28pm--October 24, 2008)

Lehitimo kining pagkabana sa atong texter kay may kalabotan man kini sa seguridad sa mga molupyo sa brgy. Sacsac.

Manghiabot ta nga mahatagan og pagtagad kining concern sa atong texter, una sa tanan, sa mga opisyal sa brgy. Sacsac.

Importante ang street lighting. Paborito man god sa mga daotan ang kangitngit. Makahuygo gyod sila sa pagpasalir sa ilang tinonto sa dapit diin naglublob ang kangitngit.

Gawas sa pagbutang og suga sa dalan nga ngitngit kaayo panahon sa kagabhion, mas maayo sab unta nga adunay mga tanod nga magpatrolya panahon sa kagabhion.

Kun tinuod nga daghan nang mga kaso sa pagpanulis nga nahitabo sa Sacsac, angay gyod nga may mga tigbantay sa kalinaw nga magtukaw sa kagabhion ug hingusgan nila ang pagsumpo sa mga badlongon sa katilingban.

Palihog, aksiyoni kini ninyo!

* * *

(Sumbong ug reklamo? Text sa 0910-8105522).