Press secretary na ang bugtong Sugbuanong sakop sa Arroyo Cabinet nga si Sec. Cerge Remonde, kanhi Presidential Management Staff director general, usa gihapon ka Cabinet position.
Walay duhaduha nga gihangop ni Sec. Remonde ang iyang bag-ong katungdanan. Dili lang tungod kay pagbuot kini sa Pangulo kun dili tungod usab kay ang Prensa maoy kalibutan ning atong igsuong Sugbuanon.
Mas bug-at kining labing uwahi nga tahas nga gihatag ngadto kang Cerge apan masaligon kami nga duna siya’y kapasidad sa paghupot niini ngadto sa kalampusan.
Among ipadangat ngadtong Press Secretary Cerge Remonde ang among mainitong pahalipay ug pangaliya nga molampus gihapon siya ning bag-o niyang katungdanan.