Ako nahimuot sa usa ka artista sa TV nga midala sa papel sa usa ka rebelde. Ang iyang panahom ngadto sa usa sa iyang mga kauban mao kini: “Wala ka ba masayud nga si Jesus nga atong Ginoo, mao ang unang Komunista?”
Pamalandong
Wala sa hunahuna sa atong Ginoo ang Relihiyon nga Institusyon kondili usa ka yanong Katilingban nga nagpuyo sa mithi sa Diosnong Gingharian. Ang maong pangindahay ang gipadayon sa iyang mga tinun-an nga nagpuyo sa usa ka komon nga katilingban ingon nga usa ka kumonista nga nahimong nalig-on ug nilambo pinaagi sa gugma ug sa Eukaristiya ingon man diha sa makiangayong panag-ambitay sa bisan unsa nga anaa kanila...Nahimong biktima ang Ginoo sa kabrutal sa usa ka institusyon nga miisip sa iyang presensiya ingon nga hulga sa ilang kahimtang. Apan pinaagi sa dugoong kamatayon gipahimugso ang simbahan ug ang katilingban nga nagtuo ug nagsimba ning Mesiyas nga gidagmalan.