Usa ka bata ang gipangutana sa usa ka hamtong kun kinsa ang iyang inahan. Ang bata mitubag: “Si Mary Ann!” Ang hamtong nagkanayon: “Pagkaanindot sa maong pangalan sa imong inahan inday!” Apan ang bata nagpadayon:” Si Mary Ann dili nako inahan kondili ang tigluto sa amoa kay kanunay’ng daghang buhat ang akong mama. Karon, nagsulat siya og libro kun unsaon pag-atiman sa mga gagmay’ng bata nga sama nako!”
Pamalandong
Usa ka paagi sa pagpakita og dakong pagtagad sa atong mga mahal sa kinabuhi mao ang paggahin og panahon alang nila.