EDITORYAL - Gubot nga prosisyon

Ang parokya sa Quiapo didto sa Manila mosaulog sa ilang tinuig nga kapistahan alang sa pagpasidungog sa ilang patron Jesus Nazareno.

Sama sa naandan, ipahigayon sa makausa pa ang gibantug na nga prosisyon sa Nazareno unya sa petsa 9 ning buwana.

Sa nahibaw-an na sa kadaghanan, ang prosisyon sa Quiapo, sa tinuod lang, gubot kaayo. Ang bagang duot sa devotees mag-inilogay sa pagpaduol sa karo diin nahimutang ang imahen sa Nazareno. Daghan ang mangapiang, mangagaras ang kalawasan, mangkuyapan, etc.

Di ba nga ang religious procession unta usa ka kalihukan nga solemne diin ang mga nanguyog malinawong mosunod sa karo nga gibarogan sa santos nga gipasidunggan pinaagi sa maong prosisyon?

Lahi ang prosisyon sa Quiapo.