Mao karoy gihisgutan sa mga kapihan ang paglabay og sapatos ngadto kang Presidente George W. Bush sa usa ka periodistang Iraqi atol sa usa ka presscon didto sa Baghdad.
Daghan ang nagtuo nga ang maong hitabo dili nato masaksihan dinhi sa Pilipinas.
Lahi ang kinaiya sa Pinoy. Bisan unsa niini kasuko ngadto sa usa ka opisyal, lakip na ang mga opisyal nga langyaw, dili gayud makaako sa pabuhat sa ingon.
Sunogon kun sunogon nila ang effigy sa ilang gikalagutan apan dili ug dili gyud nila buhaton ang usa ka buhat nga makapamenos sa ilang dungog.
Busa nagtuo kami nga wa’y kuyaw nga labayon og sapatos si Ate Glo sa mga naglagot kaniya.