Katiwaliang RP lumigtas kay doc sa hablang US
BINASURA kamakailan ng Sandiganbayan ang rob-bery case na isinampa ni Mark Jimenez laban kay dating Justice secretary Hernando Perez. Kesyo raw naapi ang karapatan ni Perez sa mabilisang paglilitis, dahil 2002 pa ‘yung habla pero nito lang 2008 isinam-pa ng Ombudsman sa korte.
Merong kahalintulad na ulat ang Associated Press, sangkot din ang Pilipinas, datelined Madison, Wisconsin, at pinamagatang “RP corruption saves doc from US raps”. Ito ang ulat.
“Nakaiwas sa prosekusyon ang 58-anyos na Pilipinong doktor sa kasong panggagantso ng $2 milyon sa health care program ng US military, dahil anang huwes ay niyurakan ang kanyang karapatan sa speedy trial.
“Pinasya ni US District Judge Barbara Crabb na naghintay nang apat na taon ang mga imbestigador bago arestuhin si Dr. Diogenes Dionisio matapos ihabla nu’ng 2004.
“Akusasyon ng prosecutors na nilinlang ni Dionisio, na may clinic sa Manila, ang Tricare program ng military nu’ng 1999-2000 nang magsumite ito ng padded claims at nakipaghatian ng sobrang bayad sa mga pasyente.
“Pero hindi hiningi ng prosecutors na agarang arestuhin at i-extradite si Dionisio. Katuwiran nila, talamak na tiwali ang gobyerno ng Pilipinas, kaya malamang ay hindi tutupad at papalpakin pa ang proseso.
“Sa halip, inaresto ng federal agents si Dionisio nito lang Marso 2008 nang lumapag ang sinasakyang eroplano sa Guam, isang teritoryo ng US, kung saan magbabakasyon ang doktor at pamilya.
“Ani Crabb, patuloy tumira at magtrabaho si Dionisio sa parehong address nu’ng 2004-2008, at hindi nagtangkang umiwas sa aresto.
“Dagdag ng huwes, kapos ang pruwebang nilahad ng prosecutors na mala mang na malulong sa korapsiyon ang extradition request.
“Labing-pitong tao na ang nakukulong dahil sa raket, kasama ang 12 US military retirees.”
* * *
Lumiham sa [email protected]
- Latest
- Trending
