Kusog mangwarta

Gikan sa cell. no. 0922-8430529: "Sir, naa lang kay reklamo bahin sa traffic enforcer nga ang initial sa name mao ang RGC. Kusog kaayo ni siya manguwarta. Alas 4:30 pa gani nag-atang na siya kay manakop unya mangayo og kuwarta. Mobungat ra ba og P4,000." -- (Sent: 07:08:24 am--July 7, 2008)

Kun moisyu siyag resibo o ba kaha citation ticket ngadto sa iyang madakpan nga iyang pangayoan og kuwarta, legal ang gihimo sa maong enforcer. Pero kun dili siya moisyu sa atong gipanghisgotan, posibleng mahulog sa kaugalingon niyang bolsa ang kantidad nga iyang gikolekta.

Angay panid-an sa iyang immediate superior ang Citom enforcer nga nag-inisyal og RGC.

* * *

"Sir, good PM. Naay mga taxi nga maghulat og pasahero diha sa gawas sa Gaisano Mactan nga mamili og pasahero." -- 0920-5827691 (Sent: 12:48:34pm--July 7, 2008)

Isumbong sila ngadto sa proper authorities. Kun kamo mismo ang nahingtungdan sa hitabo, magpadangat mog reklamo ngadto sa buhatan sa LTO aron matawag nila ang atensiyon sa mga taxi driver nga mamili og pasahero.

* * *

"Good PM, Sir. Ako si Cornillo. Nagtrabaho ko sa usa ka gas station. Naa miy gipirmahan nga compromise agreement nga suweldohan mi og P125 sukad 2005 hangtod karon." -- 0926-2992812 (Sent: 08:41:50 pm--July 7, 2008).

Dangop sa labing daling panahon sa DOLE. Dakog kahigayonan nga paboran sa maong buhatan ang imong reklamo. Isang-at ang reklamo nga underpayment of wages.

Sa akong nasayran, dili mahimong tuison o kaha lubagon sa bisan unsang compromise agreement ang unsa mang nahilatid sa balaod sa pamuo, partikular na ang bahin sa suweldo.

Busa, lihok na, higala!

 (Sumbong ug reklamo? Text sa 0910-8105522).