Gipasidan-an na usab sa kadagkuan sa Department of Education (Dep-Ed 7) ang mga publikong tunghaan nga likayan ang pagpahigayon og bongga nga Christmas party sa mga tinun-an karong Pasko.
Matag panahon sa kapaskohan sublion sa Dep-Ed ang maong pasidaan apan kun dili gayud kalikayan ang pagpahigayon og Christmas party, kinahanglan walay pinugsanay sa pag-amot ngadto sa mga tinun-an.
Ning panahon sa ekonomikanhong krisis, dili na man tingali kinahanglan pa nga sultian ang kadagkuan sa mga publikong tunghaan sa pag-obserbar og simpleng kasaulogan sa Pasko.
Ang ilang common sense, kun sentido kumon, ang mogiya kanila sa hustong matang nga kasaulogan sa kapaskohan.