Wala masumpo

“Good AM, Sir. Usa ako ka senior citizen. Pinaagi ning imong column akong ipaabot ngadto sa hepe sa Daanbantayan nga naay illegal nga drugas sa barangay Tapilon. Wala man ni masumpo. Nagkagrabe man hinuon ni karon. Maayo untag ma-surveillance ni. Nalambigit ani sila Vanjan, Mary, Vicente, Jade ug Ryan.” -- 0905-9450102

Mora man og identified na ang giingong mga mahilambigit sa kalihokan sa illegal nga drugas diha sa Tapilon. Labing maayo gyud tingali nga i-counter check kini sa kapolisan aron pagsuta kun tinuod ba kini o dili. Kun mapruyba nga tinuod kini, mas maayo nga sikopon kining mga tawhana aron masuta ang illegal nilang kalihokan.

* * *

“Naay hospital diri sa Talisay City nga walay klaro ang serbisyo sa mga doktor, nurse ug attendant. Magpatambal unta mi diha kay gamay ra mig kuwarta. Giingnan man hinuon mi nga balik unyang hapon. Pastilan, mamatay na lang ang masakiton kun mao nay ilang kalaki.” -- 0929-4242210

Angay palamboon ang sistema sa panerbisyo sa maong hospital. Dili magsilbi kun ingon niana ang kalidad sa ilang serbisyo kun adunay emergency. Duna ra bay sakit nga nagkinahanglan og dinaliang pag-atiman. Unsaon na man lang kun gusto kang magpa-admit sa buntag sa tinguhang maluwas ang kinabuhi pero pabalikon ka pa inigkahapon? Pait kaayo. Posibleng magrabehan na ang masakiton.

* * *

“Good day, Sir. Reklamo lang ko bahin sa manakop og jay walking diha dapit sa may UC Main. Dili man makiangayon ang ilang pagpanakop sa jaywalkers kay pilion ra man nila. Ang mga dispatser dili man nila dakpon lakip nang mamaligya’g sigarilyo. Manghingi pod nang mga dispatser diha sa mga estudyante sa UC Main. Mamugos ra ba gyud.” -0- 0928-9019850

Tinud gyud nga dili makiangayon. Sa unang dapit, angay gyud dakpon kanang extortionist nga mga dispatser. Ayaw na lang iapil nang mamaligyaay og sigarilyo. Atubangan niining tanan, mo-obey gyud ta sa traffic rules aron dili ta madakpan og jaywalking.

* * *

 (Sumbong ug reklamo? Text sa 0910-8105522)