Ang dakong kalainan sa eleksyon sa Amerika ug sa Pilipinas atong nasaksihan sa makausa pa adtong miaging piniliay sa Estados Unidos.
Usa sa kalainan mao ang pagkadali nahibaw-an sa resulta ug dali ra sang miangkon sa kapildihan ang pildero.
Laing kalainan mao nga mipadayag dayon og suporta ang pildero ngadto sa daugan.
Dinhi sa Pilipinas, way moangkon nga napilde. Wa’g tuo ang protesta. Pulos daugan galing lang kay gitikasan.
Dili gayud nato masunod ang kamalinawon ug kahapsay sa piniliay sa Amerika tungod kay lahi ang batasan ug taras sa atong mga politiko.