Sa iningles pa, “All roads lead to the cemeteries” karong adlawa. Ang tanang dan mopadung sa mga sam-ang ning adlawa.
Ang atong tuyo sa pag-adto’g sementeryo mao ang pagyukbo sa mga minahal ta sa kinabuhi nga mipanaw na ug pag-ampo alang sa ilang kalag.
Mao ra gyud nay katuyoan sa pagsaulog sa Todos los Santos (karon) ug sa Adlaw sa mga Minatay (ugma).
Busa duawon ta ang lubong sa atong mga minahal sa dakong pagtahod ug mainitong pagyukbo.
Dili maoy katuyoan sa higayon nga atong gisaulog karon ang paghubog-hubog, ang pagsaba-saba, ang pagkiat-kiat ug uban pang mga buhat nga misukwahi sa tiunay nga tuyo ning sagradong adlaw.