Water works
"Sir, kini bang water works sa among lungsod walay klaro ang serbisyo. Dayon ra bag pamutol kun dili dayon ka makabayad sa bill. Pero dili maulaw nga wala man klaro ang agas sa tubig labina gyod diri sa brgy. Muabog. Gasige lang intawon bayad sa minimum unya hangin ray mogawas sa faucet." -- 0929-3690982 (Sent: 10:02:29am--September 29, 2008)
Dili lang una ko mokomentaryo mahitungod niini. Akong hatagan og higayon nga matubag sa mga tinugyanan sa Tabogon Water Works kining sentimento sa atong texter. Bukas kining lindog sa ilang pagpasabot sa ilang habig. Salamat daan.
* * *
"Ang polis sa Tabunok, kanang naa atbang sa simbahan kusog mangayog tong sa kada larga sa multicab. P10 gyod pangayoon. Kun di mi mohatag, dakpon mi dayon. Dawat na lang og limpiyo ang mga dispatser nga maoy pakuhaon sa tag P10 aron dili sila masakpan. Kadaghan na ko nakasakay og multicab, P10 gyod kada tama." -- 0929-5711824 (Sent: 10:13:27 am -- September 29, 2008)
Kun maoy atong sakyan ang pasangil sa atong texter, maingon tang nakigkunsabo ang polis sa dispatser sa pagpangdelihensiya sa mga multicab driver nga mamasahero. Pagkatulibagbag!
Isumbong ninyo ang maong polis ngadto sa PNP anti-kotong hotline nga 0927-5151515.
* * *
"Good day, Sir. About ni sa situation sa mga tricycle cab diri sa Balamban. Ang taga Asturias gitugotan pod sa mayor nga makasulod diri sa among lungsod. Duna diay franchise nga mag-carry og duha ka lungsod? Hugot-luag pod ang dakop sa way rehistro ug lisensiya." -- 0928-3016607 (Sent: 12:27:55 pm--September 29, 2008)
Dili lang una ko mokomentaryo bahin niini. Nagtuo ko nga angayang mohatag og pagpasabot ang LGU Balamban ngadto sa mga driver ug operator sa tricycle cab kalabot niining maong isyu.
* * *
(Sumbong ug reklamo? Text sa 0910-8105522)
- Latest
- Trending
