Gikan sa cell. no. 0906-7217931: "Good day, Sir. Naa koy reklamo bahin ning hubo-hubo nga bar. Nia ni duol sa top spring sa may Subangdaku. Maayo unta nga mahatagan nig action sa labing daling panahon. Di na angay padayonon ilang binuang." (Sent: 08:55;35 pm--August 25, 2008).
Angayan ning aksiyonan sa proper authorities, partikular na ang sa anti-indecency division sa inyong lokalidad.
* * *
"Good day, Sir. Maayo unta nga magpadayon ang paghapsay ang merkado publiko sa Mandaue kay hapit tanan nga naninda gawas sa merkado mag-display tunga sa dalan. Trapik kaayo! Dili na ta ganahan mangompra. Mga abusado! Walay gamit ang suweldadong market guard." --0905-3451251: (Sent: 03:24:54 pm--August 25, 2008)
Manghinaot tang mahapsay na sa hingpit ang merkado sa Mandaue. Angay tingaling pauswagon sa market guards sa maong merkado ang sistema sa ilang pagserbisyo aron paghatag og convenience sa publiko.
* * *
Diha sa Pier 3, naay mga traysikad driver diha nga mangilad sa mga pasahero nga gustong mosakay og barko.
Ang ilang estilo mao nga inig kanaog nimo sa jeep, mosugat sila ug mangutana kun asa ang imong destinasyon.
Sa higayon nga motug-an ka na sa imong destinasyon, ingnon ka nila nga wala magdunggo sa Pier 3 ang barko nga magbiyahean paingon sa imong destinasyon. Gibalhin na kuno!
Unya, tanyagan dayon ka sa iyang serbisyo. Ihatod ka niya paingon sa laing pier diin nagdunggo (kuno) ang barko nga gusto mong sakyan. Kun mosakay ka, sulod ka na sa laang.
Pangayoan kag dakong kantidad isip plite. Unya, inig-abot nimo didto sa pier nga iyang hatdan nimo, wala didto ang barko nga imong sakyan. Nailad ka!
Pagbantay kamo niining maong estilo sa modus operandi sa badlongong mga traysikad driver.
* * *
(Sumbong ug reklamo? Text sa 0910-8105522)