"Mga polis diha sa Colon, asa na man intawon mo? Naay daghan kaayong isnatser diha dapit sa may Macdo atbang sa Gaisano South, diha dapit sa mga jeep nga mag-parking padung Katipunan, Labangon. Daghan intawon kaayong mga isnatser diha. Hinaot unta nga naay mga polis nga magbantay dihang dapita." -- 0915-2243154 (Sent: 05:51:54 pm -- July 20, 2008)
Sakto ang atong texter. Kining mga dapit sa dakbayan sa Sugbu nga naila nang dansohanan sa mga isnatser angay gyod unta tutokan sa pagbantay sa kapolisan. Ang police visibility maka-discourage man god sa mga badlongon sa katilingban pagpasalir sa ilang tinonto.
* * *
"Dear Sir Orie. Nagbaha ang shabu diri sa Pasil, Talibon, Bohol." -- 0929-8484131 (Sent: 01:04:57 pm--July 20, 2008)
Angay ning i-counter check sa kapolisan sa lungsod sa Talibon sa lalawigan sa Bohol aron pagsuta kun tinuod ba kini o dili.
Dili maayong pasagdan lang ang operation sa mga tigpayuhot og shabu sa maong lugar. Aksiyon!
* * *
"Good day, Sir. Maayo untang masusi ning namaligya og NFA nga bugas sa Lagtang kay mahal ang kilo, tag P33 unya ang sinako ibaligya og tag P1,200. Di ba tag P18.25 ra man ang NFA rice para sa di maka-afford? Naunsa bang mga dato man hinuon ang mga kustomer? Ginegosyo man ang NFA rice sa Lagtang.'' -- 0928-3457357 (Sent: 08:08:26 am--July 20, 2008)
Sa akong nasayran, gawas sa NFA rice nga tag P18.25 ang matag kilo, aduna na say bugas nga NFA nga tag P25 ug P34 ang matag kilo.
Pero kun nagduda gyod mo nga naghimog iregularidad ang NFA rice retailer diha sa inyong dapit, i-report kana ngadto sa buhatan sa NFA pinaagi sa telepono isip 232-8629.
Ayaw mo kahadlok pagsumbong ngadto sa NFA bahin sa badlongon nga NFA rice retailer sa tagsatagsa ninyo ka dapit.
(Sumbong ug reklamo? Text sa 0910-8105522).