Sa Ronda

"Good PM, Sir. Concern lang ko sa among lungsod sa Ronda. Panahon sa kagabhion ang mga wanted armed persons magsuroy-suroy sa kabaranggayan. Nganong wa man ni sila dakpa? Kami diri sa kabaranggayan alas 5 sa hapon kinahanglan naa na mi sa among tagsa-tagsa ka panimalay tungod sa kahadlok aning mga tawhana nga nagmugna og kasamok diri sa among barangay." -- 0919-8316987 (Sent: 11:03:06 pm--Oct. 6, 2008)

Una sa tanan, kun tinuod kining imong taho, higalang texter, mas maayo nga ipaabot mo usab kini ngadto sa mga opisyal sa inyong barangay aron ila kining mahimoan og aksiyon. Naa may mga tanod sa barangay nga posibleng maoy tahasan sa barangay pagsubay ning imong gisumbong bahin sa mga tawong armado nga "nagmugna og kasamok" diha sa inyong dapit.

Labing maayo sab nga ipaabot ninyo ngadto sa kapolisan sa Ronda kining imong reklamo aron ila kining maaksiyonan. Buhata kini sa labing daling panahon.

* * *

"Kini bang eskina sa Canduman, hapit na man intawon wala nay kaagian kong mag-traffic. Gani di kamao molihaylihay madisgrasya gyod. Di ba ni mabadlong ang mga tindahan diha nga naka-obstruct?" -- 0918-5234714 (Sent: 06:43:31 am--October 7, 2008)

Wala ko makasuhid sa maong lugar busa dili lang una ko mokomentaryo kalabot sa imong reklamo, higalang texter.

Ang labing maayo mong buhaton mao ang pagpadangat og reklamo ngadto sa mga opisyal sa barangay aron ilang maaksiyonan ang imong yangungo. Kun ilang masuta nga nakasagabal gyod kanang giingon mong mga tindahan diha sa eskina sa Canduman, nagtuo kong mangita gyod og paagi ang mga opisyal sa barangay aron mahapsay kanang dapita.

I-refer ang imong concern ngadto sa barangay. Kun wala silay himoon nga lakang kalabot sa imong reklamo, ayha pa kita mangitag laing paagi nga maaksiyonan gayod ang imong reklamo.

(Sumbong ug reklamo? Text sa 0910-8105522)