Gikan sa cell. no. 0929-5848479: "Good AM, Sir. Kanang video karera sa Consolacion puwerteng daghana. Labina sa among baryo Pitogo. Dugay na ni kaayo. Polis way aksiyon." -- (Sent: 09:34:47am--July 31, 2008)
Atong sangpiton ang atensiyon sa Consolacion PNP sa pag-counter check ning gitaho sa atong texter aron pagsuta kun unsa kini ka tinuod.
Labing maayo sab nga manginlabot niini ang mga opisyal sa brgy. Pitogo. Aksiyoni!
* * *
Ang tag-iya sa cell. no. 0928-5639780 mi-text nako niadtong Hulyo 31, 2008 (Sent: 01:39:17 pm) ug mitaho sa usa ka makapaalarma nga kasayoran. Kini kun mamatud-an nga tinuod ang iyang gisumbong nako.
Ang iyang gisumbong mao ang nahitabo sa usa ka night high school sa Lapulapu City nga posibleng walay kasayoran ang mga magtutudlo niini.
Ang atong texter mitug-an nga aduna siyay anak nga nagtungha sa ika-tulong ang-ang sa maong night high school. Ang iyang anak nga nakasaksi sa makapaalarmang hitabo mitug-an kaniya nga makadaghan na kini makakita og mga estudyante nga magyupyop og marijuana sulod sa school campus ug sa classroom mismo.
Nakahunahuna gani kuno ang iyang anak pagtug-an sa nakita niini ngadto sa school principal pero gitambagan kini sa atong texter nga dili gyod manghilabot kay delikado nga kini initan.
Angay ning aksyonan sa mga tagdumala sa maong night high school.
* * *
"Nagbaha ang drugas diri sa Looc, Mandaue City. Dunay druglord diri nga ginganlan og Leny. Asset na siya sa usa ka polis. Kusog kaayo sila manakop. Ang madakpan panguwartahon. Ang shabu ug kuwarta bahinon. Ang madakpan nga way ikabigay tanggong." -- 0915-2603551 (Sent: 04:43:39pm--July 31, 2008)
Dili maayong pasagdan nga magpadayon kining kalihokan ni Leny ug sa usa ka polis. Mas maayong ma-counter check kini sa proper authorities aron mamatud-an kun tinuod ba gayod nga naghimog illegal nga buhat kini si Leny ug ang polis nga iyang amo!
Imbestigaha!
(Sumbong ug reklamo? Text sa 0910-8105522)