EDITORYAL - Paninduton ta ang sidewalks

Usa ka concerned citizen misugyot nga atong paninduton ang mga center island ug sidewalk sa atong kadalanan.

Si Mrs. Beling Go Ching Hai, usa ka sakop sa usa ka pundok sa nagpakabanang kababayen-an sa Sugbu, nagkanayon nga ang pagpatahom sa atong kadalanan mahimong makab-ot sa dakong kasayon kun magtinabangay ang katawhan ug mga balay patigayon, labi na ang mga bangko.

Dili na tingali kinahanglan nga klarohon pa ang kaayuhan nga maangkon kun mapanindot ang atong kadalanan. Ang pagdayeg sa mga dayo makapatambok sa atong kasingkasing ug makapasamot sa atong garbo ngadto sa atong siyudad.

Suwayan ta kuno sa pag-consider ang sugyot ning usa ta ka nagpakabanang igsuon.