"Good AM, Sir. Akong ireklamo ang skywalk sa eskina Canduman, Mandaue. Dugay kaayo nahuman. Way klaro ang trabaho. Naapektohan gyod ang among negosyo. Naa pay mga trabahante diha nga magsige lang og text sa oras nga tingtrabaho." -- 0927-5048739 (Sent: 11:22:39 am -- July 17, 2008).
Unsa na ba diay ka dugay ang pagtrabaho sa maong skywalk? Pila na ka bulan? O pila na ka tuig?
Nganong dugay man nahuman kun duna kanay budget?
Manghinaot tang paspasan na ang pagtrabaho sa maong skywalk. Ug kanang mga trabahante nga magsige lang og text panahon sa tingtrabaho, killing the time kanang ilang gihimo. Nganong mag-antos man tag suweldo nila bisan kulang ang ilang serbisyo. Hain man kahay maayo kun ilisan silag laing mga trabahador? Kanang kugihan.
* * *
"Gud PM, Sir. Diri sa Linao, Talisay naay namaligyag NFA rice pero kinahanglang mopalit sad kag kamote. Tulo ka kilong bugas, tulo ka kilo sad sa kamote. Madoble na hinuon ang among bayran." -- 0918-7158673 (Sent: 01:59:pm--July 17, 2008)
Nagkinahanglan kini og klarong pagpasabot. Labing maayong pasabton sa retailer og NFA rice diha sa Linao, Talisay ang mga pumapalit nganong mopalit pa man silag kamote kun gusto silang makapalit og NFA rice.
Compulsory ba gyod kini? Unsa ka tinuod nga ingon niini ang sistema sa pagpamaligyag NFA rice diha sa Linao? Just asking!
* * *
Bahin sa NFA rice gihapon: "Good AM. Duna koy reklamo bahin sa pamaagi sa pagbaligya og bugas NFA diri sa Sambag 1, sitio Balanka Puna. Bati ang patakaran kay dunay palusot sa pagbaligya sa bugas." -- 0926-2630315 (Sent: 10:18:27 am--July 19, 2008)
Dili lang ko mosakay nianang imong pasangil bahin sa palusot sa bugas, higalang texter. Ang akong ikasulti mao nga kun may nakita mong iregularidad sa pagpang-apod-apod sa NFA rice sa inyong dapit, sumbong mo ngadto sa buhatan sa NFA sa 232-8629.
(Sumbong ug reklamo? Text sa 0910-8105522)