"Good day. Nakapalit kog slice bread sa usa ka grocery store diha sa Tabunok niadtong Domingo sa gabii, July 13. Pagkaugma sayo sa buntag nikaon kos pan. Sus, giagup-op na. Unya, ang nakabutang nga expiry date kay July 16 pero giagup-op na pagka-July 14. Ngil-ara ana nila, uy." -- 0917-3723494 (Sent: 07:51:00 pm--July 15, 2008)
Sa sunod higayon nga makasugat mo’g sirkumstansiya o makasinatig ingon niini, labing maayo nga dad-on ninyo ang produkto ngadto sa BFAD. Usa kini ka matang sa pagpanglingla. Tiaw ba nga patuohon man kita nga ang gibaligya nilang pan dugay pang mapan-os pero diay ang tinuod napan-os kini nga wala makaabot sa gitakda nilang expiry date!
* * *
Diha sa Basak, Lapulapu City naay usa ka grill ang accoustic bar nga gireklamo sa usa ka texter gumikan kay saba kini kaayo panahon sa kagabhion. Kusog ra kaayo ang sound sa ilang pagpatugtog ug nadisturbo ang mga residente nga gustong mangatulog sa maayong paghinanok.
Sumala sa reklamante nga naggamit sa cell. no. 0928-5639780 (Sent:08:49:22 pm--July 15, 2008), kun sayo pa ganing kagabhion dili pa kaayo saba ang maong grill and accoustic bar. Pero kun lawom na ganing gabii, maglanoglanog na ang kasaba niini.
Usa kini ka matang sa public nuisance. Maayo unta nga ma-regulate kini sa proper authorities. Akong awhagon ang atong texter sa pagpadangat og reklamo mahitungod niini ngadto sa barangay o ba kaha sa polis.
* * *
Usa ka trabahante sa restaurant sulod sa usa ka shopping mall nga ubos sa usa ka agency mibutyag pinaagi sa text (cell. no. 0928-4062928--Sent: 10:36:33 pm--July 15, 2008) mibutyag nga ang agency nga nagpasulod niyag trabaho kusog kaayo mopaak sa iyang suweldo.
Sa iyang sumbong, iyang gibutyag nga below minimum ang iyang suweldo. Mahal pa gyud ang bayad sa ilang uniform ug daghang deduction ang suweldo. Akong sugyot nga modangop ka, higala, sa labor. Pasakaig reklamong underpayment of wages ang imong agency.
(Sumbong ug reklamo? Text sa 0910-8105522)