Mao kiniy gisumbong sa usa ka texter nga naggamit sa cell. no. 0927-8296067. Sa iyang text nako niadtong Agosto 7,2008 (Sent: 02:41:08 pm), ang atong tipster nag-ingon nga nagranggo pa og PO1 kining maong polis.
Daghan gyong polis nga PO1 nga abusado ug badlongon. Ngano man kaha kini? Unsa man diay naa sa pagka PO1?
Sumala sa atong texter, kining polis nga PO1 adunay inisyal nga AOB. Polis kini siya sa Boljo, Talamban. Gihulagway sa atong texter nga bisan "on call" ang maong polis, magsige gyod siyag tong-its! Hambogero ra ba kuno ang maong polis. Daghan pa gyod og babaye!
Mas maayo tingali nga i-counter check sa immediate superior sa maong polis ang iyang binuhatan, partikular na ang pagsige niyag sugal!
* * *
Subling mi-text nako ang naggamit sa cell. no. 0918-5554013 (Sent: 07:20:26 pm--August 7, 2008) aron pagpadangat sa iyang reklamo nga wala pa gyod matagad.
Ang iyang concern mao ang bahin sa sobra nang pagpamutol og kahoy sa Basak, Badian, Cebu nga nagpadayon pa hangtod sa iyang pagpadangat sa iyang text dinhi sa atong lindog.
"Nagsiga lang ang mata sa mga otoridad ug mga official. Wa gyod magtagad," nagkanayon ang atong texter.
Maayo unta kun masusi na kini sa proper authorities, labina sa DENR. Aksiyoni!
* * *
Komentaryo sa texter: "Komentaryo lang ko bahin ining mga oil companies. Wa gyod silay simpatiya sa katawhan kay kun mosaka gani ang presyo sa lana sa world market halos dihadiha dayon mopausbaw dayon sila. Pero kun mokunhod gani ang presyo sa world market haskang gahi-a mo-roll back nila. Moderate your greed, palihog lang." -- 0922-8800496 (Sent: 05:33:36 pm--August 7, 2008)
Bitaw! Mao sad kanay akong naobserbahan. Mas maayo gyod unta kun dunay balaod nga epektibong makabadlong sa ilang pagpatuyang.
(Sumbong ug reklamo? Text sa 0919-8105522).